Hronika

VIDEO i FOTO: Htjeli da se zabave: Stranci crtali grafite na novim vozovima u Nikšiću

Uhvaćeni su S.J.O.E. (33), G.D.G.M. (32), T.M (33), sva trojica rođeni u Francuskoj i K.K.S. (31), rođen u Rusiji. Policija je od njih tokom hapšenja oduzela 28 sprejeva marke Loop, a utvrđeno je da nemaju ni prijavljen boravak u našoj zemlji.

Kako piše portal Onogošt, protiv njih će biti podnesena prekršajna prijava, a mladići već plaćaju svoju kaznu budući da im je naređeno da sve što su napisali i očiste.

Ekipa portala počinioce ovog nesvakidašnjeg prekršaja zatekla je na željezničkoj stanici u akciji čišćenja grafitaa, a n osnovu onoga što se moglo vidjeti na terenu imaće pune ruke posla budući da se sa jedne strane grafiti protežu gotovo čitavom dužinom voza.

Jedan od njih, ne želeći da se predstavi, pristao je za Onogošt odgovori šta ih je natjeralo da ispišu grafite po vozu.

“Mi nijesmo pijanice koje su se napile i napravile štetu namjerno. Željeli smo da se zabavimo i sada ćemo da platimo cijenu naše zabave. Iza ovoga se ne krije nikakava tajna poruka neke organizacije i slično. Samo smo željeli malo zabave“, kazao je on. 

Send this to a friend