Novi neuspjeh u plej ofu koštao je Toma Tibodoa posla. Čovjek koji je prije pet godina preuzeo Bulse vodio je Čikago do 255 pobjeda i sa procentom uspješnosti od gotovo 65% sedmi je na vječnoj listi stručnjaka sa preko 200 utakmica.
Tibodo je postao trener godine u NBA ligi 2011. , ali je povreda Derika Rouza u više navrata umanjila njegove šanse da napravi podvig u plej ofu i stigne do velikog finala. Ove sezone dolaskom Gasola očekivalo se da će ekipa ići do prstena a kako se to nije dogodilo otkaz je bio logičan. Čak su i igrači to nagovještavali.
“Mislim da je ovaj tim imao potencijala za bolji učinak.” – kazao je nakon poraza od Klivlenda Pau Gasol.
