Na putovanju dugom skoro 5.000 kilometara koje će trajati godinu dana ovaj Korejac je u petak prošao i kroz Pirot.
“Avionom sam iz Južne Koreje stigao u Tursku u Istanbul, odakle sam pješke krenuo na put od skoro 5.000 kilometara do Santjago de Kompostele u Španiji. Nemam određeni cilj ili misiju, jednostavno obožavam da putujem, upoznajem ljude, kulture, nacije. Sa rancem od 25 kilograma na leđima svakodnevno prelazim od 25 do 30 kilometara”, kaže Honđun za Tanjug.
Honđun, koji jedva da govori engleski, kaže da mu se sviđa Srbija i da je za samo par dana boravka upoznao puno ljudi, koji su mu nudili i hranu i podržavali ga.
“Putovanje će trajati sigurno godinu dana, jer puno zalazim van rute i obilazim znamenitosti zemalja kroz koje prolazim”, kaže Honđun za Tanjug.
Honđun iako veoma slabo zna engleski, kako sam kaže, samo par riječi, nema problema sa komunikacijom.
“Nikakvih problema nijesam imao, i to što ne znam engleski mi nije predstavljalo nijednog trenutka prepreku da se uputim”, objašnjava Honđun.
On se ne razdvaja od svoje nacionalne zastave, a kako sam kaže, u svim zemljama kroz koje prolazi kupuje i njihove nacionalne zastave koje će mu biti uspomene sa putovanja.
