Jules je u dvorištu porodične kuće u Monroviji (Kalifornija) primijetila dva medvjeda, pa se odmah dala u obračun uprkos tome što su njeni protivnici bili daleko snažniji.
Istina, medvjedi na koje se namjerila nijesu bili stariji od godinu dana i teži od 50 kilograma, ali to svejedno ne mijenja činjenicu da u njoj kuca srce junačko.
Medvjedi su inače u tamošnjim planinskim krajevima prirodni stanovnici, međutim otkako su požari poharali šume, sve češće prilaze kućama u potrazi za hranom.
Problem je u tome i što su pojedini susjedi počeli da ih hrane, a što medvjede ohrabruje da se motaju po dvorištima.
“Nije mi svejedno. Ljut sam na te ljude, to ne bi smjeli da rade. Imam dvoje male djece i nijesam srećan što se medvjedi motaju okolo”, izjavio je vlasnik hrabre Jules, koji je i sam priznao da je ostao šokiran kada je vidio da se njegova ljepotica pretvorila u “Vulverina”.
