Društvo

Aktivisti SDP-a očistili prostor oko spomenika Petra Sinanovića Nagiba

Aktivisti cetinjskog SDP-a očistili su danas prostor oko spomenika Petra Sinanovića Nagiba, osnivača OBOD-a i jednog od najvećih pregalaca u našoj Jugoslaviji, saopšteno je iz ove stranke.

“Sramota je kako je prostor oko spomenika izgledao do danas, ali to je slika i prilika odnosa današnje crnogorske vlasti prema vrijednostima koje je ostavila Jugoslavija, a koje su oni najvećim dijelom urušili. Gdje su danas Nagibovi Obod i Radoje Dakić, dje su Željezara, Košuta, Bojana, dje je Titeks? Nema ih više, ali moramo čuvati sjećanje kao opomenu da ovako više ne može”, poručuju oni.

SDP će, napominju oni,  uvijek, kao i do sada, čuvati od zaborava velikane onog lijepog i srećnog vremena.

“Nagib je jedan od njih. Nagib je Obod, Nagib je Cetinje i naša Crna Gora”, jasni su oni.

Send this to a friend