Ponovo kvar: Miločer, Pržno, Podličak, Kamenovo i Vale noćas bez vode

Na lokalitetu u Pržnu, gdje su danas ekipe gradskog Vodovoda sanirale kvar, opet je došlo do oštećenja na cjevovodu.

“Ekipe su na terenu i maksimalno se trude da potrebnim intervencijama, večeras uspore mogućnost prekida vodosnabdjevanja. Ukoliko to ne bude izvedeno, potrošači u Miločeru, Pržnu, Podličku, Kamenovu i umjestu Vale opet će noćas  biti bez vode”, naveli su u Vodovodu.

Oni dodaju da je vozilo Službe zaštite  i spasavanja locirano je ispred prostorija MZ Sveti Stefan, u naselju Pržno i služiće kao alternativni način snabdjevanja korisnika, te punjenju rezervoarskih i drugih spremišta vodom.

“Korisnicima u navedenim naseljima unaprijed se izvinjavamo zbog nastale situacije. Molimo potrošače za razumijevanje i strpljenje”, navode u Vodovodu.