Sastojci:
– 1 l bistre pileće supe
– 150 gr barene piletine
– 50 gr putera
– 50 gr brašna
– 150 gr graška
– 100 ml neutralne pavlake
– 2 žumanca
– so, biber
– muskatni oraščić
Za knedle:
– 200 gr krompira
– 30 gr putera
– 1 jaje
– 1 kašika brašna
– 1 kašika rendanog parmezana
– ulje za prženje
Priprema:
Zagrijte puter, dodajte brašno i polako miješajte na tihoj vatri, da brašno pobijeli i zapjeni. Dodajte malo po malo pileću supu, posolite i pobiberite.
Isjeckajte barenu piletinu, kratko je propržite na puteru ili ulju i dodajte u supu.
Obarite grašak u slanoj vodi, ispasirajte ga u blenderu, pa dodajte u supu.
Dodajte so i biber, pa začinite i muskatnim oraščićem.
Umutite žumanca i pavlaku i pred samo služenje dodajte u supu – ona poslije toga više ne smije da provri.
Za knedle, skuvajte krompire u kori pa ih oljuštite i još tople ispasirajte.
Dodajte puter i jaja, mutite da se smjesa ujednači, pa dodajte brašno i parmezan.
Posolite i pobiberite smjesu, pa vadite knedlice kašičicom i spuštajte u ključalu slanu vodu. Gotove su čim isplivaju.
Ocijedite ih i kratko propržite u vrućem ulju, pa ih vadite na kuhinjski ubrus da upije višak masnoće. Držite na toplom do služenja, pa servirajte uz krem supu.
Prijatno!
