Moda Špicasta, ravna, kosa

Znate li koja pinceta za šta zapravo služi?

U posljednjih nekoliko sezona fokus na našim obrvama je više nego ikada do sada.

Postoje pincete raznih oblika. Rukovanje špicastom pincetom zahtijeva vještinu, ali ona jedina rješava problem uraslih dlačica.

Kosa pinceta je recimo bolja za donji dio obrva, a ravna za gornji.

Ima tu još detalja koji mogu biti presudni u vašoj beauty rutini, pa da ih raščlanimo.

Špicasta pinceta

Izgleda pomalo opasno, a i može biti ako nisi vješta u rukovanju pincetom i/ili nemaš mirnu ruku. No ako imaš i znaš šta radiš, ovo je idealan alat koji će ti pomoći da “uloviš” i iščupaš i najkraću i najtanju dlačicu. Ova pinceta je idealna i za čupanje uraslih dlačica. Ako ti je opsesija kućni nail-art, pomoći će ti da na nokat savršeno precizno staviš sitne kristale i druge ukrase.

Još jedan plus: špicasta pinceta idealna je za stavljanje i namještanje vještačkih trepavica. Takođe, njome se precizno mogu iščupati neposlušne, predugačke dlačice ili bilo koja koja smeta na trepavicama. Naravno, vještačka.

Kosa pinceta

Ona je klasik među pincetama. Sa njom možeš savršeno da definišeš donju konturu obrva. Ovaj tip pincete možeš čak koristiti i za stavljanje lažnih trepavica.

Ravna pinceta

Ravna pinceta se uglavnom ne preporučuje za oblikovanje obrva zato što odjednom može da obuhvati previše dlačica i nejednako počupa obrve. Ipak, ono što je negdje mana, drugdje je prednost. Dakle, na mjestima gdje treba počupati što više dlačica odjednom (na primjer na području između obrva, na bikini zoni…) ravna pinceta je idealna. Idealna je za druge dlačice na licu ili pak gornji rub obrva.

Pinceta sa vrhom koji je pod uglom

Za razliku od drugih pinceta čija dva kraka su ravna, na ovoj pinceti postoji određeni ugao pod kojim se spajaju. Tako nastao razmak između krakova pincete omogućava nam da bolje vidimo koje smo dlake uhvatili što je posebno korisno ako čupate dlake s teško dostupnog područja kao što je ono uz bikini liniju ili dlačice koje je teško vidjeti, kratke ili svijetle.

Još jedan savjet

Prije čupanja obrva stavite pincetu u zamrzivač. Hladan materijal umiruje, to jeste manje iritira kožu. Osim toga, stručnjaci savjetuju da se obrve čupaju uveče poslije tuširanja. Tada su pore otvorene, a koža ima čitavu noć da se oporavi.

Tags

Send this to a friend