Psihologija

Kako možemo pobijediti strah od neuspjeha

Naša potreba za ostvarenjem, za ličnim postignućem, urođena je. To je posljedica naše sposobnosti da obrađujemo informacije, pravimo planove, rješavamo probleme… Pomaže nam da imamo osjećaj kontrole nad okruženjem, nad životom u krajnjoj liniji.

Ali, često je praćena strahom od neuspjeha koji nam nije urođen, već stečen, naučen. Strah od neuspjeha rezultat je zadirkivanja, grdnji ili osjećaja stida koji nam je nametan u djetinjstvu, kad nismo ispunili očekivanja.

Evo kako možete pokušati sebi da pomognete, da taj strah prevaziđete:

Usredsredite se na prikupljanje relevantnih informacija, ne obraćajte pažnju na mišljenja i očekivanja drugih ljudi (čak ni onih koji su vam bliski) u pogledu vaših odluka i vašeg života.

Sve situacije sagledavajte isključivo iz lične perspektive. Ako pokušavate svoj život da mjerite tuđim mjerilima nikad nećete biti dovoljno uspješni. Samo ćete traćiti dragocjeno vrijeme i energiju,

Pokušajte da nađete način da svaki mali neuspjeh posmatrate kao novo iskustvo, ne da biste sebe opravdali, već zato što on to jeste. Svaki pokušaj, čak i onaj koji ne uspije iz prve, uči vas nečemu o vama samima.

Uvijek dajte sve od sebe, ali nemojte sebi suditi strože nego što biste sudili nekome koga volite. To, doduše, mora da se vježba, ali počnite i malo po malo, naučićete da volite sebe i kad imate dobar dan, i kad naiđe jedan od onih dana kad zažalite što ste uopšte ustali iz kreveta.

Jedini način da prestanete da se plašite, ne samo neuspjeha, nego bilo čega, jeste da zavolite sebe. Takve kakvi ste.

Send this to a friend