Bošnjačka stranka poziva i podsjeća Ustavni odbor da, prilikom utvrđivanja liste kandidata za sudije Ustavnog suda, vode računa o ustavnoj i zakonskoj obavezi, da se vodi računa o tome da i među sudijama treba biti ispoštovana nacionalna zastupljenost manje brojnih naroda. U tom kontekstu, naše insistiranje na kompetentnom sudiji iz redova bošnjačkog naroda potpuno utemeljeno i opravdano, poručio je poslanik BS-a, Suljo Mustafić.
On je istakao da saslušanje kandidata sudija za Ustavni sud treba imati ozbiljnost i nivo u kojem treba biti izražen kvalitet kandidata, njihove reference i vizija rada ove prestižne instance, bitnih za njen budući rad.
“Razumljiv je interes laičke i stručne javnosti, političkih subjekata i nevladinog sektora i međunarodnih predstavnika za ovu tematiku, jer je izbor sudija Ustavnog suda jedan od ključnih preduvjeta za regularnost izbornog procesa, kao i daljih evropskih integracija Crne Gore. Svakako treba uvažavati interes javnosti, ali u isto vrijeme treba pripodobiti retoriku ozbiljnom parlamentarnom saslušanju”, kazao je Msutafić.
Poručuje da ne razumije one koji smatraju da je nebitno nacionalno opredjeljenje kandidata.
“Jer valjda nas naš Ustav, i, posebno, zakon o Ustavnom sudu sve obavezuje, u kojem jasno piše da se vodi računa o tome da i među sudijama treba biti ispoštovana nacionalna zastupljenost manje brojnih naroda. Jasno je da je decenijama to u našem društvu bila marginalna tema i da se pod frazom o građanskom društvu dešavala potpuna marginalizacija manjinskih naroda na mjestima odlučivanja i u institucijama vlasti.
Kako je ocijenio, zaslugom Bošnjačke stranke ova tema je dobila značaj u javnosti i kroz zakonodavstvo i njegovu primjenu, zajedno sa drugim partnerima u vlasti, uspjeli smo donekle unaprijediti zastupljenost Bošnjaka i drugih manjinskih zajednica.
“Naravno, znamo da je to još daleko od nivoa koji odslikava realnost multietničke Crne Gore, i zato je naše insistiranje na referentnom i kompetentnom sudiji iz redova bošnjačkog naroda potpuno utemeljeno i opravdano”, zaključio je Mustafić.
Ako hocemo posteno ne zasluzujete to mjesto I tacka
Vama je samo fotelja bitna nista vise.to ste i dokazali