Romelu Lukaku mogao bi da se vrati u Čelsi, ukoliko tim iz Londona ne uspije da potpiše Erlinga Halanda.
Ekipa Tomasa Tuhela pokušava da pojača napad, a izbor je pao na dva sjajna napadača – Halanda i Lukakua.
Italijanski mediji pišu da je Inter spreman da proda Lukakua, ali za 120 miliona eura.
Ranije se pisalo o cifri od oko 100 miliona, ali su zaradili 71 milion od prodaje Hakimija u Pari Sen Žermen, pa ne moraju po svaku cijenu prodavati igrače na koje računaju.
Lukaku je od 2011. do 2014 igrao za Čelsi.
Odigrao je samo deset utakmica, jer je uglavnom vrijeme provodio na pozajmicama.
Prethodne sezone predvodio je Inter do titule.
