Konačno zadovoljstvo na “Nou Kampu”, koje nakon pobjede nad Sosijedadom nije krio ni trener Ronald Kuman.
Barselona je savladala jedno od najprijatnijih iznenađenje sezone sa 2:1 i najavila da će pokušati da se uključi u borbu za vrh tabele u Primeri.
“Prvo poluvrijeme je bilo najbolje koje smo odigrali ove sezone. U drugom dijelu utakmice su oni igrali odlično. Nemoguće je kontrolisati meč svih 90 minuta, ali smo pokazali pravi stav. Zaslužili smo pobjedu. Sa ovakvim stavom, stići ćemo tamo gdje treba da budemo“, rekao je Kuman.
Barselona sada ima šest bodova manje od vodećeg Atletika, ali i utakmicu više.
U sljedećem kolu igraće protiv Valensije.
