Napoli nastavlja borbu za Ligu šampiona, dok Lacio čeka znatno teži posao.
Napolitanci su dobili derbi 32. kola Serije A izuzetno ubjedljivo 5:2.
Na taj način je pobjegao “nebesko-plavima” na pet bodova i uz to imaju meč više.
Ekspresno je Napoli stigao do prednosti, Insinje sa penala u sedmom, pa Politano pet minuta kasnije bili su strijelci.
Na startu nastavka Insinje je svojim drugim golom potvrdio pobjedu, a Mertens najavio debakl Lacija kada je pogodio u 65.
Čast gostiju spasili su Imobile i Milinković Savić sa dva gola u četiri minuta.
Konačan rezultat postavio je Osimhen u 80.
Adam Marušić je odigrao cijeli meč za Lacio i to kao štoper u formaciji 3-5-2.