Legendarni Karl Hajnc Rumenige je u kolumni za njemački Bild pisao i napadačima.
Konkretno, o Robertu Levandovskom i Erlingu Halandu. Poredio je dva asa i stao na stranu Poljaka.
“Kada me pitaju ko je bolji napadač – Robert Levandovski ili Erling Haland, moj brzi odgovor glasi: Levandovski”.
“Za nekoliko godina Haland bi mogao da ima prednost prije svega zbog svojih godina, ali trenutno je Levandovski broj jedan. On je savršen centarfor, posebno za Bajern. Zato što Bajern teži da ima posjed, želi da dominira, a u takvom načinu igre potrebno je da imate igrače koji brzo misle i donose brza rješenja. To je ono što Levandovskog čini tako bitnim za naš klub. Njemu ne treba nikakav prostor, njegova najveća snaga je to što se sjajno snalazi u šesnaestercu.
Često je veći i od Gerda Milera. Nema trenutno igrača kao što je Leva. To nije čak ni Kristijano Ronaldo. I ne samo da Robert postiže golove, on pomaže i u organizovanju igre. To je ono što ga izdvaja od svih ostalih.
Haland je potpuno drugačiji tip igrača. On “živi” od svoje snage, brzine i nenormalne ambicije. Ako ne postigne gol, za njega je taj dan propao. Takav mentalitet mu koristi i sjajan je u kombinaciji sa njegovim navedenim kvalitetima”, napisao je između ostalog Rumenige.
