Menadžer Mančester junajteda Žoze Murinjo nije bio zadovoljan igrom protiv Vulverhemptona i rekao je da je remi pravedan rezultat.
“Đavoli” su pred svojim navijačima remizirali 1:1, iako su bili veliki favoriti.
Naročito se pobjeda očekivala jer je prvi put poslije zdravstvenih problema u maju sa tribina ih bodrio legendarni Aleks Ferguson.
“Rezultat je realan. Vulvsi su zaslužili bod. Igrali su bolje, bili su motivisaniji i agresivniji. Ne znam zašto smo bili bez ideje i kreacije. Više sam očekivao od napadača. Iskreno, čudim se i kako smo prvi došli do gola”, rekao je Murinjo.
Mančester junajted već zaostaje osam bodova za vodećim Liverpulom poslije samo šest odigranih utakmica u Premijer ligi ove sezone.