Fudbal Lampard djelimično zadovoljan remijem u Gladbahu

Poluvrijeme za zaborav, pa sjajna reakcija

Novi menadžer Čelsija Frank Lampard bio je djelimično zadovoljan poslije remija protiv Borusije iz Menhengladbaha, u prijateljskoj utakmici.

“Plavci” su gubili 2:0, ali su golovima Abrahama i Barklija iz penala, uspjeli da izbjegnu poraz.

“Mislim da smo trebali da pobijedimo, ali ne smijemo da primamo golove kao danas. Nisam bio zadovoljan učinkom u prvom dijelu. Jedan gol smo primili iz greške, a drugi poslije kontre. Jednostavno u prvih 45 minuta nismo bili ekipa kakva treba da budemo”, rekao je Lampard.

Poslije pauze, na terenu je zaigrao potpuno drugačiji Čelsi.

“Tražio sam u poluvremenu reakciju i tim je sjajno reagovao. Mogli smo da postignemo mnogo više pogodaka. Njihov golman bio je fantastičan. Bila je ovo teška, ali odlična kontrolna utakmica za nas protiv veoma kvalitetne ekipe”, ocijenio je Frank Lampard.

https://www.youtube.com/watch?v=NtYKgO1eZho&pbjreload=10

Send this to a friend