Čelsi je sa 2:0 pobijedio Real Madrid u revanšu polufinala Lige šampiona.
“Plavci” su preko Vernera i Maunta dali golove.
Ipak pravo je čudo kako domaći sastav nije postigao više golova s obzirom na more šansi.
U drugom poluvremenu 4 puta bili su 1 na 1 sa golmanom, ali nije Tomas Tuhel želio da ih kritikuje.
“Zaslužili smo pobjedu. U prvom poluvremenu nam je bilo teško jer su imali posjed i patili smo. Ipak, bili smo opasni u kontrama i nismo gubili linije u odbrani. U nastavku smo još bolje zaigrali odbranu, a u napadu smo odigrali fantastično. Trebali smo postići nekoliko golova i ranije osigurati finale. Ipak, sad nije vrijeme za kritiku. Ovo je fantastično dostignuće i sve čestitke mojim igračima’’, kazao je trener Čelsija Tomas Tuhel.
