Fudbal liga konferencije

Veliki derbi na Bosforu: Jovetić želi u polufinale

foto: EPA-EFE/ANDREJ CUKIC

Olimpijakos je mogao da ima komotniju prednost pred revanš četvrtfinala Lige konferencije, ali ni pobjeda od 3:2 nije zanemarljiva zaliha protiv Fenerbahčea.

Dva velikana se sastaju večeras u Istanbulu (21) nakon što je Olimpijakos prije sedam dana na svom terenu vodio i 3:0 nakon 60 minuta igre.

Drugi gol za “crveno-bijele” tada je dao Stevan Jovetić, koji će i večeras biti glavni adut tima Hose Luisa Mendilibara.

“Želim da igramo svoju igru. Ako bude tako mislim da smo bliži polufinalu”, rekao je Mendilibar.

Bolji iz ovog dvomeča će u polufinalu igrati sa pobjednikom duela Lila i Aston Vile.

“Lavovi” pred gostovanje u Francuskoj od 18.45 imaju gol prednosti (2:1).

Drugi polufinalni par će biti poznat nakon mečeva Fiorentine i Viktorije Plzenj (0:0) i PAOK-a i Klub Briža (0:1).

Send this to a friend