Košarkaši Lokomotive nastavili su da ređaju pobjede u Evrokupu.
Ekipa iz Kubana je na svom terenu savladala Cedevitu 69:64 i uknjižila treći trijumf u grupi G Top 16 faze, ukupno trinaesti u ovom takmičenju.
Puleni Saše Obradovića hitali su ka lakoj pobjedi pošto su na ulasku u posljednji kvartal vodili sa 56:38.
Nedugo zatim bilo je i +20, a onda se domaćin opustio. Cedevita je postepeno topila prednost rivala i u posljednjih 15 sekundi ušla sa pola koša zaostatka.
Nakon dva pogođena penala Rajana Brokofa Lokomotiva je pobjegla na tri poena prednosti, da bi u sljedećem napadu Damir Markota promašio trojku za izjednačenje.
Ruski predstavnik ima šest bodova na svom kontu i blizu je plasmana u četvrtfinale, dok je Cedevita zakucana za dno sa sva tri poraza.
U istoj grupi, sjutra će igrati Budućnost – Trento.
L.Đ.
