Još jedna, treća u isto toliko rundi, lagana pobjeda rukometašica Budućnosti u Regionalnoj ligi. Dame Dragana Adžića na startu turnira u Jagodini bile su bolje od istoimene ekipe 29:16 (13:10).
Pitanje pobjednika riješeno je nakon dobre igre u prvih 15 minuta drugog poluvremena kada je Budućnost napravila seriju 9:2. Milena Raičević i Đurđina Jauković postigle su po šest golova, dok su Itana Grbić i Branka Konatar upisale po četiri. Bile su dobre i golmanke, pa je Marina Rajčić imala deset, a Darli Zokebi de Paula devet odbrana.
Danas će se u Jagodini igrati crnogorski meč – Budućnost od 19 sati igra protiv Rudara.
Utakmice u Jagodini i na narednom turniru Reagionalne lige u Ljubljani (od 11. do 13. januara) generalne su provjere Budućnosti pred nastavak Lige šampiona.