Švajcarski teniser Rodžer Federer otkrio je da igrači često osjećaju bol, ali da to rijetko pokazuju na terenu.
Prije samo nekoliko dana je Rafael Nadal povrijeđen izborio plasman u polufinale Indijan Velsa, a onda odustao od meča protiv Federera.
Pred početak Mastersa u Majamiju, kojeg Nadal propušta, novinare je zanimalo da li bi Federer igrao uprkos boli, kao što je to činio njegov veliki rival.
“Bih. Zapravo, to sam već i radio. Neću se pretvarati da nikada nemam problema. Nemoguće je da igramo svake nedjelje, a da ne budemo povrijeđeni. Svaki igrač se suočava sa time, ali mnogi ne govore o tome. Često se ne otkriva povreda da rival ne bi bio u prednosti. Samo ako je bol prevelika. U više od 1400 mečeva koje sam odigrao u karijeri, često sam osjećao bol, ali nisam govorio o tome”, kazao je 37-godišnji Federer.
Švajcarac je u Indijan Velsu poražen od Dominika Tima, a sada ga očekuje nastup na Mestersu u Majamiju.
Ti si bas jedan hrabar teniser milioner.