Danil Medvedev odlučio je da ne ostane imun na izjavu Stefanosa Cicipasa, koji je nedavno ocijenio da Rus igra dosadan tenis.
Medvedev je progovorio o odnosu sa Grkom nakon osvajanja Mastersa u Šangaju, gdje je nastavio sa odličnim partijama u drugom dijelu godine.
Ruskom teniseru nije se svidjelo kako se Cicipas ponašao poslije Lejver kupa.
“Neko mi je za to rekao juče, tako da sam se raspitao više o tome. Prilično sam o tome razmišljao. Reći ću samo jednu stvar, poslije njegovog intervjua u Šangaju gdje je pričao kako su slavili pobjedu u Lejver kupu, teško ga je uzeti za ozbiljno. Samo da ga citiram: rekao je da su ga tamo natjerali da pije, a to je stvarno odvratno. U redu, ali slijedi najvažnija stvar. ‘Mama, čuj, bilo je odvratno. Mogu da ti pošaljem video’. Pa to je besmislena izjava. Poslije ovog više ga ne shvatam ozbiljno”, rekao je Medvedev.
Medvedev je trenutno četvrti igrač planete, dok Cicipas zauzima sedmo mjesto na ATP listi.
