Rodžer Federer je prošlog vikenda završio veliku karijeru, a njegov otac Robert pričao o najtežim momentima koje su prošli sa sinom u tenisu.
Nije bilo teško zaključiti koji porazi su najviše zaboljeli porodicu Federer.
“Novak Đoković nam je nanio više tuge i bola nego Rafa Nadal. Posebno ostaje u sjećanju taj Vimbldon 2019. godine kada je Rodžer imao dvije meč lopte na svoj servis. Svi smo već vidjeli tu titulu u njegovim rukama”, rekao je Robert i dodao:
“Teški trenuci su bili i polufinale US opena 2010 i 2011. godine protiv Novaka. I tada je propustio po dvije prilike da privede posao kraju”.
Federer je karijeru završio sa 20 grend slem titula, ima jednu manje od Đokovića, a dvije od Nadala.
