Dominacijom kakva se rijetko viđa u završnicama Gren slem turnira, Serena Vilijams domogla se polufinala US Opena, ujedno zabilježivši 100. pobjedu u Njujorku.
Iskusna Amerikanka je za svega 44 minuta preslišala Kineskinju Vang Ćijang sa 6:1, 6:0.
O odnosu snaga na terenu najbolje svjedoči statistika – broj osvojenih poena na meču iznosio je 50:15 u korist Vilijams, a posebno frapantno igleda odnos u broju vinera – 25:0.
Koliko je 23-struka Gren slem šampionka bla dominantna govori i podatak da je u čitavom drugom setu rivalki prepustila samo četiri poena.
Počasni gem 18. teniserka svijeta osvojila je u završnici prvog seta i to je bilo to od nje.
U borbi za finale Serena će igrati protiv Svitoline.
