Bivši švedski teniser Mats Vilander smatra da je Novak Đoković prvi favorit za osvajanje Australian opena, iako nije odigrao savršen meč na premijeri u Melburnu.
Srpski teniser je u tri seta bio bolji od Fernanda Verdaska.
“Novak je imao 56 neiznuđenih grešaka, ali to znači da je bio agresivan pri svakom udarcu, da je napadao, da je postavljao ritam… To mi se sviđa. Smatram da je sada, poslije ovog meča, on prvi favorit za osvajanje turnira. Ne kažem to jer Endi Marej nije prvi igrač svijeta, već zato što Novak djeluje veoma dobro na terenu, ponovo. Ovo je njegova kuća, šest puta je pobjeđivao, izgubivši svega nekoliko mečeva”, rekao je Vilander.
Novak Đoković će u drugom kolu turnira u Melburnu igrati protiv Denisa Istomina iz Uzbekistana.
