Odluka američkog predsjednika Donalda Trampa da zabrani ulazak u SAD izbjeglicama je zabrinjavajuća, ocijenio je danas francuski ministar spoljnih poslova Žan-Mark Ero.
„To može samo da nas zabrine. Dobrodošlica izbjeglicama koje bježe od rata i progona je dio naše dužnosti”, kazao je ministar na zajedničkoj konferenciji za novinare sa njemačkim kolegom Zigmarom Gabrijelom u Parizu, prenosi Rojters.
Prethodno je Tramp donio uredbu kojom se zabranjuje svim izbjeglicama ulazak u SAD na četiri mjeseca, a onima iz ratom zahvaćene Sirije na neodređeno vrijeme, kako bi se spriječilo da „radikalni islamski teroristi” ulaze u državu.
