Češka policija povela je istragu izgreda kada su redari i pristalice češkog predsjednika Miloša Zemana u izbornom štabu napali novinare.
Oni su sinoć napali pesnicama akreditovane novinare, oborili i oštetili kameru češke privatne televizije TV Nova i prostački izvrijeđali i novinarke.
Napad Zemanovih redara na novinare odigrao se u Hotelu TOP u Pragu, gdje se u izbornom štabu slavila pobjeda predsjednika Zemana u drugom krugu predsjedničkih izbora u petak i subotu, kada je Zeman već otišao.
Ve štábu Miloše Zemana padají pěsti #Volby2018 #PrezidentskeVolby2018 #seznamzpravy #televizeseznam pic.twitter.com/Nk3f0q5bGn
— Pavlína Kosová (@pavlina_kosova) January 27, 2018
Novinari su htjeli da snime dolazak hitne pomoći po jednog Zemanovog gosta u štabu kome je pozlilo ili se srušio mrtav pijan sa flašom piva u ruci.
Na to su reagovali redari Zemanovog štaba, prostački počeli da tjeraju i guraju novinare da zatvore taj dio sale, jedan od redara je oborio na zemlju TV kameru a u pomoć im je pohitao i jedan od Zemanovih gostiju sa istom žutom novinarskom propusnicom i napao pesnicama jednog od novinara koji je objašnjavao da samo rade svoj posao.
Guranje i vulgarno vrijeđanje nisu izbjegle ni prisutne novinarke.
“Izgredom se na osnovu snimaka u medijima bavi policija”, saopštila je na Tviteru češka policija.
Zemanov portparol Jirži Ovčaček prvo je portalu Aktualne.cz kazao da ga to uopšte ne interesuje, ali kada su snimci napada na novinare preplavili internet kazao je Češkom radiju da napadači nisu iz državnog obezbjeđenja predsjednika Zemana a da je pokušao da pozove novinare koji su napadnuti na kafu kao svojevrsno izvinjenje.
“Sigurno ne kažem da za to odgovornost snosi predsjednik Zeman”, kazao je Ovčaček.
Predsjednik Zeman je prethodno iskoristio konferenciju za novinare nakon objavljene pobjede da izvređa novinare, kada je reportetu češkog javnog TV servisa kazao da ima glas kao mutant, listu Lidove novine poručio da ga je davno uvjerio da su novinari budale i istakao da su novinari manje inteligentni od običnog građanina.
“To je sramota za evropsku demokratiju. Napadi na novinare moraju da prestanu”, osudili su izgred Reporteri bez granica.
Podrška za Zemana
Od ikone Vaclava Havela do Klausa (onaj što je krao po svijetu) i na koncu do Zemana…Kakav sunovrat !
Zemunu je ,,beherovka ” (češko nacionalno piće) već odavno pomirili razum. To je starac koji se jedva kreće ali izuzetno spreman na vrijedjanje i omalovazavanje onih koji mu se nedopadaju.
Inače voli časicu .
To što je češki narod birao ,to je i dobio….