Evropa

U Londonu komemoracija žrtvama požara

Foto: Twitter

U Londonu je tokom prethodne noći održana komemoracija žrtvama velikog požara u kuli Grenfel na zapadu glavnog grada, gdje je prije godinu dana stradala 71 osoba.

Građani su tokom večeri i noći donosili cvijeće i fotografije bližnjih stradalih u nesreći koja je jedna od najvećih u Velikoj Britaniji od kraja Drugog svjetskog rata.

Marš građana održan je na mjestu nesreće u blizini zgrade od 24 sprata koja je potpuno izgorjela 14. juna 2017. godine. Sumorna izgorjela zgrada nedavno je prekrivrena velikim bijelim listovima, a na vrhu su zelena srca s natipisom “Grenfel zauvijek u našim srcima”.

Zelena boja je izabrana kao boja žalosti tako da su mnogi građani nosili sinoć zelene marame ili ešarpe. Izgorjela zgrada kao i kancelarija britanske premijerke Tereze Mej bili su u zelenoj boji.

Kula Grenfel u noći između 13. i 14. juna zapalila se i brzo izgorjela, a uzrok nesreće je, kako se smatra, ugradnja jeftinog i zapaljivog termo-izolacionog materijala tokom renoviranja zgrade.

Send this to a friend