Planeta

Rusi napustili Vašington, Amerikanci Sankt Peterburg

Ilustracija

Dok su ruske diplomate i njihove porodice napuštale Ambasadu u Vašingtonu uz zvuke ruskog marša “Oproštaj od Slovenki”, preko Atlantika njihove američke kolege spustile su zastavu SAD sa jarbola ispred konuzlata u Sankt Peterburgu, spakovale stvari i takođe krenule kući.

Ruske diplomate prethodno su i iz Londona krenule uz zvuke istog marša, prenosi Tas.

Agencija je navela da je svih 60 ruskih diplomata protjeranih iz SAD krenulo ka aerodromu, odakle će specijalnim avionom poletjeti za Rusiju.

Zaposleni u konzulatu u Sankt Peterburgu požurili su da zatvore diplomatsko predstavništvo do isteka roka koji im je postavljen prije dva dana, piše AP.

“Spremni smo da idemo”, rekao je američki generalni konzul Tomas Liri.

Dok se kamion sa torbama i kutijama udaljavao od kompleksa američkog konzulata, vozač je mahnuo i nekoliko puta pritisnuo sirenu.

Više od 20 zemalja, među kojima je i Crna Gora, protjeralo je ruske diplomate, u znak solidarnosti sa Velikom Britanijom, koja je optužila Moskvu za trovanje bivšeg špijuna Sergeja Skripalja. Rusija je potom najavila da će protjerati diplomate svih zemalja koje su tu mjeru primijenile prema ruskom diplomatskom osoblju.

NAJNOVIJI NAJSTARIJI POPULARNI
KuBROnja
Gost
KuBROnja

Pustite se pisanije o Rusiji i Americi. Pisite o bitnim pitanjima za Crnu Goru.

Send this to a friend