Terminator iz Konga osuđen na 30 godina zatvora

Međunarodni krivični sud osudio je kongoanskog ratnog vođu Boska Ntagandu, poznatog kao Terminator, na 30 godina zatvora.

On je osuđen za zločine, uključujući ubistva, silovanja i seksualno ropstvo.

Ntaganda je u julu proglašen krivim po 18 tačaka za ratne zločine i zločina protiv čovječnosti u etničkom sukobu u regionu Konga bogatom mineralima od 2002-2003. godine, prenio je AP.

Ova presuda ulazi u anale kao najduža koju je ovaj sud doneo.

Ko je Bosko Ntagenda?

• Rođen je 1973. u Ruandi
• Pobegao je u DR Kongo, nakon napada na Tutsije u Ruandi
• Sa 17 godina otpočeo je sa ratnim djelatnostima
• Od 2002. do 2003. bio je ratni vođa
• 2006. optužen je od strane Međunarodnog krivičnog suda zbog navodnog korišćenja djece u ratne svrhe
• 2008. bio je na čelu grupe koja je izvršila masakr u Kivandži u kom je ubijeno 150 ljudi
• 2009. uveden je u kongoansku Nacionalnu armiju i postavljen na mjesto generala
• 2012. je otišao iz vojske, usput podstičući novu pobunu koja je 800 hiljada ljudi otjeralo iz njihovih domova
• 2013. posle podjela u pobunjeničkoj vosci, odlučuje da se preda američkoj ambasadi u Ruandi
• 2019. Osuđen je od strane Međunarodnog krivičnog suda na 30 godina zatvora

Koji su njegovi zločini?

Kako navodi BBC Ntagenda je u julu ove godine, proglašen krivim po svih 18 tačaka optužnice za ratne i zločine protiv čovječnosti koji su počinjeni između 2002 i 2003 u Ituri regiji. Označen je kao ključna ličnost koja je izdavala naredbe za ubijanje civila i vođe operacija za Uniju kongoanskih patriota i njenog radikalnog krila Patriotskih snaga za oslobođenje Konga. Borili su se protiv ljudi za koje nisu smatrali da pripadaju Hemama, manjinskoj etničkoj grupi. Prilikom jednog od napada, ubili su 49 ljudi u polju banana služeći se štapovima, pendrecima, ali i noževima i mačetama.

Sud je utvrdio da je Ntagenda lično učestvovao u ubistvima koja su se dešavala dok je on bio na poziciji zamjenika Tomasa Lubanga, tadašnjeg prvog čoveka Unije kongoanskih patriota. Lubanga je ujedno i prvi čovek kojeg je Međunarodni krivični sud osudio na 14 godina zatvora.

Ntagenda se borio pod komandom aktuelnog predsjednika Ruande Paula Kagame, koji je u to vrijeme bio lider Patriotskog fronta Ruande i 1994. težio ka okončanju genocida nad Tutsijima 2012. formirao je Pokret 23. marta nakon što je prebjegao sa stotinama drugih iz kongoanske Nacionalne armije. Njegovi vojnici su potom zauzeli Gomu, grad na Istoku DR Kongo, prije nego što su pristali da se povuku. Navodno je tokom tog perioda 800 hoiljada ljudi napustilo svoje domove. Pokret 23. marta konačno je poražen 2013. od strane vladinih snaga DR Konga.