Region

Gruevski s lažnim pasošem ušao u Albaniju

Kako je Nikola Gruevski došao do Budimpešte bez pasoša, pitanje je koje se postavlja od kada je napustio Makedoniju, gdje je za njim raspisana potjernica.

Naime, bivšem makedonskom premijeru koji je odbio da se odazove odsluženju pravosnažne dvogodišnje kazne zatvora u slučaju nabavke blindiranog “mercedesa”, pasoš je oduzret još prošle godine. Nakon petodnevne “misterije” gdje se nalazi, dilemu je razriješio sam Gruevski koji se javio iz Mađarske.

Pitanje koje se nametnulo je kako je došao do te zemlje ako nema pasoš? S tim u vezi, beogradski list “Politika” saznaje da je on koristio lažni pasoš s kojim je preko noći prešao granicu i ilegalno ušao u Tiranu, gdje su ga prihvatili zaposleni u ambasadi Mađarske.

Zatim je, prvim jutarnjim letom, kompanije “Malev”, direktno iz Tirane sletio u Budimpeštu, odakle je zatražio azil. Kako piše list Gruevski se prerušio, stavio je sunčane naočare i šešir, a posada aviona nije znala ko je on, budući da ni šešir ni naočare nije skidao tokom cijelog leta.

U momentu kada je potjernica za njim stupila na snagu, oko 10 sati ujutro, Gruevski je već bio u Budimpešti.

Kancelarija mađarskog premijera Viktora Orbana je juče potvrdila da je Gruevski podnio zahtjev za azil mađarskoj kancelariji za imigracije, tražeći izbjeglički status.

Send this to a friend