Region

Haradinaj dobio albanski pasoš

Haradinaj

Kosovski premijer Ramuš Haradinaj dobio je albanski pasoš po hitnom postupku i najvjerovatnije će mu biti uručen danas u Tirani, gdje je doputovao u nenajavljenu posjetu, prenosi MIA.

Ta agencija podsjeća da SAD nedavno nijesu odobrile vizu Haradinaju za ulazak u tu zemlju.

Izdavanje pasoša Haradinaju odigrava se u vrijeme kada albanski predsjednik Iljir Meta i kosovski predsjednik Hašim Tači vode polemiku oko posljedica davanja pasoša Albanije žiteljima Kosova, koji ih koriste za putovanje u zemlje zone Šengena.

Meta smatra da bi to moglo da ima negativne posljedice po građane Albanije.

Haradinaj i njegova supruga Anita su postali državljani Albanije 24. aprila 2017. godine, na osnovu ukaza koji je potpisao tadašnji predsjednik Albanije Bujar Nišani.

A.R.

Send this to a friend