Region Tužba na 30 stranica

Rama tužio Haradinaja za klevetu, on odgovorio

Haradinaj, foto: Twitter

Odlazeći kosovski premijer Ramuš Haradinaj komentarisao je tužbu koju je protv njega podnio albanski premijer Edi Rama.

<<<Rama tužio Haradinaja<<<

Rama je, podsjetimo, protiv Haradinaja podnio tužbu zbog klevete o navodnoj razmjeni teritorija. Haradinaj tu tužbu ocjenjuje kao neutemeljenu, kao i pokrenutu kako bi se izbjegla politička odgovornost.

Haradinaj je naveo da će u zakonskom roku pripremiti odgovor na tužbu, prenio je Kosovo onlajn.

“Objavljeno je u medijima da je premijer Albanije, Edi Rama, na sudu podnio tužbu protiv mene. Ja ću, po zakonu, pripremiti odgovor na tužbu, u zakonskim rokovima”, naveo je Haradinaj.

Tužbu naziva neosnovanom i pokušajem izbjegavanja odgovornosti.

“Tužba premijera Rame potpuno je neutemeljena i njegova je politička diverzija kako bi se sakrio iza medijskih drama i izbjegao odgovornost. Naš narod i Kosovo imaju ljude koji će biti njen branik u svakom trenutku”, naveo je Haradinaj u objavi na Fejsbuku.

Rama je prethodno podnio Osnovnom sudu u Prištini tužbu protiv Haradinaja u kojoj je naveo da ga je Haradinaj klevetao zbog čega zahtjeva izvinjenje i obeštećenje.

U tužbi se navodi da je Haradinaj u nekoliko emisija emitovanih u oktobru prošle godine govorio o razmjeni teritorija između Beograda i Prištine, optužujući Ramu da je sa Hašimom Tačijem i Aleksandrom Vucićem pokrenuo ideju o razmjeni teritorija.

Send this to a friend