Tvorci popularne igre Pokèmon Go najavili su veliki broj promjena koje će omogućiti korisnicima da budu svjesni realnih vremenskih prilika.
Uz ostalo se u igrici očekuje veliki broj novih pokemona.
Iz kompanije Niantic je najavljeno da se očekuje puno promjena u igrici, a uz ostalo da će biti prilagođena realnim vremenskim prilikama. Osim toge tim vremenskim prilikama biće prilagođeni i pokemoni.
Čelnici kompanije Arčit Bargava i Met Slemon novi sistem su nazvali “dinamično vrijeme”, a radiće na principu da ukoliko u stvarnom okruženju u kojem se korisnik nalazi pada kiša, na igrici će padati kiša i biće dostupno puno više vodenih pokemona.
“Ako pada snijeg, možda ćete vidjeti Snoruntse kako trče okolo. To će uticati i na pokemone iz prethodnih generacija – ne samo na nove Gen III stvari”, objasnili su oni.
Takođe su naglasili da će se mapa promijeniti u skladu sa trenutnim vremenom, odnosno da neće više biti samo nebo plavo i polja zelena.
Pokemoni će, prema najavama, po nepogodnom vremenu praviti više gluposti nego obično.
Naveli su da će biti pet različitih tipova vremena, a da će oni zavisiti od vjetra, snijega, kiše, sunčanog i “magičnog” vremena.