Došao je i taj dugo iščekivani trenutak. Momak koji vam je pomutio razum i u kojeg ste zaljubljene napokon vas je pozvao da izađete! Postoji li veća sreća u tom momentu?
Nakon nekoliko minuta skakutanja po sobi, polako počinje da vas hvata panika! Motaju vam se po glavi sljedeće misli: “Jaooo, šta da obučem? Kako da se našminkam? O čemu li ćemo razgovarati, šta ako se izblamiram i krenem da pričam ono što ne treba?” Lakše malo!
Prvi sastanak jeste bitan i važno je da prođe dobro. Zato ćemo vam mi dati nekoliko savjeta kako biste zaboravili tu napetost:
Prvo mjesto trebalo bi da zauzmu pozitivne misli. Ne kaže se džabe da kako zaračiš tako privlačiš! Dopustite da se vaša energija prenese na druge. Ako ste još uvijek malo napete, zatvorite oči i udahnite duboko na nekoliko sekundi. Zar se već ne osjećate smirenije?
Nakon odslušane liste vaših omiljenih pjesama, uzmite blokčić i napišite stvari koje volite kod sebe. To ne znači da ste snob. To može biti veoma dobro, posebno pred vaš dejt! Imaćete više samopouzdanja.
Koje god da je godišnje doba u pitanju jedite sezonsko voće i povrće jer ono dosta utiče na pozitivnu energiju. Bićete opuštenije, smirenije i uživaćete u vašem omiljenom i osvježavajućem ukusu.
Budite sigurne u sebe i osmjehujte se! Sada ćemo vam reći jedan od razloga za osmijeh. Dečko koji vam se dopada pozvao vas je da izađete, zar to nije dovoljno?
Dokazano je da se smijehom oslobađamo od stresa, a osim toga bićete sigurnije u sebe kada se nasmiješite! Kada vas vaša simpatija bude pogledala tako lijepu i nasmijanu i njemu će biti lakše. Odmah ćete i njemu izmamiti osmijeh! Tačno je to da osmijeh ne košta ništa a daje mnogo!
Najdraža stavka koju činimo prije prvog sastanka je sljedeća: Pozovite vašeg najboljeg prijatelja koji će vas posavjetovati, smiriti, podržati i podsjetiti kako ste sjajna osoba.
Nakon što prođete kroz ove stavke bićete oslobođene negativnih misli prije nego što se konačno sretnete sa svojom simpatijom i budućim partnerom. Vjerujemo da će sve proći u najboljem redu. Lijepo se provedite na sastanku i vratite se pune lijepih utisaka.
