Kada se zaljubimo, aktivira se čak 12 područja u mozgu, koja do tada “miruju”.
Naučnici iz Dablina su još otkrili da se mijenja sklop hormona i ritam otkucaja srca, usporava se krvni pritisak, prenose Novosti.
Istraživanje, u kojem je učestvovalo 1.200 ispitanika različitog uzrasta, “detektovalo” je i ostale uticaje zaljubljenosti:
-Zaboravljamo na bolove. Sve što nas je donedavno boljelo, više ne boli. Zaljubljenost aktivira receptore u mozgu na koje inače djeluju ljekovi protiv bolova.
-Ne spava nam se. Toliko razmišljamo i maštamo o partneru da nam se ne spava, a ako i zaspimo u pristojno vrijeme, budimo se ranije nego ikad.
-Rasijani smo. U mozgu dolazi do oslobađanja hormona oksitocina, a on suptilno koči memoriju i čini nas zaboravnim.
-Hrana nam je ukusnija. Ne jedemo mnogo, ali sve što pojedemo nam je slađe i ukusnije nego inače.
