Srbijanski pop-rok bend Ničim izazvan sinoć je publici poklonio još jednu numeru i spot sa EP izdanja “Pokorimo noć”, kojim od 18. maja proslavlja 10. rođendan.
Nakon premijere “Mesto za prve poljupce”, sinoć je minute dobila i pjesma “Jer te više ne volim”.
“Bez blama ću da nas hvalim. Kakva stvar”, poručio je Bojan Gluvajić u ime benda.
Podsjetimo, u okviru promocije EP izdanja “Pokorimo noć” iduće srijede čućemo “Mama ti je rekla”, a sedam dana kasnije i “Pokorimo noć”, koja će spustiti zavjesu na projekat.
“Nismo imali namjeru da to bude EP, ali su se jednostavno četiri pjesme stilski i idejno poklopile. Odlučili smo da te crtice, neka naša sjećanja, priče koje su do nas došle, a koje su se pretočile u pjesme, sakupimo u jednu cjelinu”, kazao je Gluvajić ranije.