Pjevač Sergej Ćetković prisjetio se najtežeg perioda u karijeri i po njegovom mišljenju to su definitivno bile devedesete godine, a sada je otkrio i zbog čega.
On ističe da je imao tu sreću što je kako je rekao moga da bira gdje će nastupati, ali da je svakako pjevanje u kafani najteže, ali i najkorisnije za sve pjevače jer se dosta stvari baš tu nauči.
“Ako pričamo o nekom vremenu devedesetih kada nije sve bilo vezano samo za muziku i za druženje, već smo svi bili u nekoj drugoj dimenziji, pa je tu bilo raznih situacija, i raznih ljudi, i morao si da budeš spreman i sve da trpiš inače čovjek u kafani nauči mnogo toga. Mislim da sam i ja kao i većina mojih kolega naučio jednu dobru školu iz te kafane, iako se ja nisam bavio onim malo težim poslom, nisam dugo bio u kafani već sam birao posao i gledao da to bude neka mirnija priča, ali opet sa druge strane bude nekad teško, moraš ispoštovati ljude. Rad sa ljudima je nešto najteže”, rekao je on u emisiji “Premijera”, pa otkrio koje pjesme naručuje u kafani za svoju dušu:
“Pa imam tu svojih favorita “Oči jedne žene”, “Ovo je moja kuća živeo sam tu”, Toma Zdravković uglavnom i Tozovac su moj đir”.
