Bred Pit tješi Dženifer Aniston poslije razvoda

Bivši bračni par, Dženifer Aniston i Bred Pit, tajno se sastaju, a on je tješi nakon ljubavnog brodoloma, pišu američki mediji.

Svemu je navodno kumovao glumac Džordž Kluni, koji je podstakao Breda da se javi Dženifer i pomogne joj da lakše prebrodi period nakon razvoda.

Sredinom februara Dženifer Aniston i Džastin Tero izdali su saopštenje da se razvode, a par je izgleda ubrzo pronašao nove, odnosno, stare ljubavi.

I dok Džastin sve više vremena provodi s kanadskom umjetnicom Petrom Kolins (25), Dženifer je navodno utjehu pronašla u staroj ljubavi.

Brojni američki mediji pišu da je na pomolu pomirenje s Bredom Pitom, a neki čak govore da su Dženifer i on već u vezi, iako to skrivaju od javnosti. Navodno se sastaju tajno u kasnim noćnim satima, a sve je počelo nakon dodjele Oskara.