Crnogorska manekenka Milena Vujović koja već godinama gradi uspješnu svjetsku karijeru, dobila je glavnu ulogu u novom spotu norveškog hitmejkera Alana Walkera.
“Alanov tim me je odabrao, smatrajući da se moj lik dobro uklapa u ulogu. Laska mi činjenica da od toliko top modela u Dubaiju izaberu baš mene”, kaže Milena za CdM.
Oduševljena je koliko je Alan i kompletan njegov tim opušten i prirodan.
“Grupa jako mladih, a izuzetno uspješnih ljudi. Ovo je ogroman projekat svjetskih razmjera i mnogo sam ponosna na to”, dodaje Milena.
Podgoričanka koja se manekenstvom bavi od 15. godine već par godina je poslovno angažovana u Dubaiju, gdje često nosi komade dobro poznatih dizajnera: Elie Saab, Zuhair Murad, Bvlgari, Chaumet….
Nakon mnogih svjetskih destinacija u kojima je živjela i radila, Dubaji joj je kaže najdraži i osjeća se kao kod kuće.