Jelena Perčin otkriva detalje tajnog vjenčanja sa Momčilom

Glumački par Momčilo Otašević i Jelena Perčin, prije par dana izgovorili su “sudbonosno da” na tajnom vjenčanju u Kotoru.

Jelena je za Jutarnji list otkrila da je vjenčanje bilo je kakvo su i željeli – pomalo svečano, ali nepretenciozno i emotivno. Održano je u Kotoru na Dan rada, 1. maja, a njime je glumački par krunisao dvije i po godine ljubavi.

“Bio je to jedan lijepi, intiman obred na kojem su uz nas bili članovi naše najuže porodice. Bilo nam je predivno, a i lijepo vrijeme nas je poslužilo. Medeni mjesec? Biće vremena i za to”, rekla je lijepa Dubrovčanka koja će u avgustu roditi ćerkicu.

Kako je priznala, Koto su odabrali su jer im je to predivan grad, gdje su i prije znali navraćati, a nakon razmjene zavjeta, brodom su otplovili do konobe u Dobroti, na samoj obali Bokokotorskog zaliva, gdje je održano slavlje.

Za sve detalje pobrinuo se upravo mladoženja, kome je Jelena prepustila svu brigu oko organizacije.

Jelena i Momčilo upoznali su se na snimanju serije Nove TV “Zora dubrovačka”, a ljubav među njima planula je tek na setu druge serije koju su ponovo snimali zajedno, “Kud puklo da puklo”.