Maraju ucjenjuju: Ako ne isplati 8 miliona dolara, plasiraće njene kućne snimke

Godinu nakon što je “popila tužbu” bivše menadžerke Stele Stolper za seksualno uznemiravanje, pjevačica Maraja Keri presavila tabak!

Ona je podnijela tužbu protiv bivše asistentkine Lijane Azarijan, koja ju je krišom snimala, a onda prijetila objavljivanjem “intimnih slika i klipova”.

Azarijanova je radila za Maraju od 2015. godine, ali je u njeno ime kupovala garderobu, koju je potom zadržala za sebe, i napravila račun na kartici zbog kojeg je Maraja riješila da je otpusti 2017. godine. Ono što Maraja nije znala je da ju je Lijana snimala po kući i da je nekolicinu slika i klipova pokazala prijateljima i rekla “ako ikad dobijem otkaz, objaviću snimke i zaraditi novac”.

Ubrzo nakon otkaza, Azarijanova je kontaktirala Maraju i priprijetila da će objaviti snimke ukoliko joj ova ne isplati osam miliona dolara.

Sada je Kerijeva tuži i traži snimke, za koje je u tužbi navela da su “intimni”, ali i novčanu odštetu.