Milena Vučić: Nikola i ja planiramo troje djece

Pjevačica Milena Vučić i njen suprug Nikola Burovac, prije četiri mjeseca postali su roditelji dječaka kojem su dali ime Nikša. Bračno-muzički tandem ističe da su se odlično snašli u roditeljskoj ulozi.

“Nikola i ja smo se odmah uklopili oko novih obaveza. Pomažemo jedno drugom i sve teče harmonično, kao pjesma. U početku, dok je Nikša imao grčeve, oboje smo strahovali za njega. Često je plakao i bili smo budni svake noći. Bilo je iscrpljujuće i mislili smo da nikada neće prestati, ali bodrili smo se međusobno, iz dana u dan se prilagođavali i gradili naš ritam. Nikola je tu da Nikšu uvijek razigra i nasmije. Njih dvojica imaju svoj svijet u kome beskrajno uživaju, a ja sam zadužena za nježnost. Naš sin najviše voli kada ga ja uspavljujem držeći ga u naručju i pjevušeći mu hitove sa VH1 muzičkog kanala”, kaže popularna Podgoričanka za magazin Gloria.

Burovci se neće zaustaviti na jedom djetetu.

“Planiramo da imamo troje djece. Razlika među njima biće po dvije godine”, napominje Nikola.