Jedan muškarac odlučio je da potraži savjet od korisnika Redita, jer njegova suprugu odbija da obavlja kućne poslove i čisti za sobom.
Nemaju djece, supruga ne radi i kod kuće je, te se on brine o zajedničkim finansijama.
“Radim puno radno vrijeme, a moja žena je kod kuće. U braku smo pet godina. Imam dobro plaćen posao i srećan sam što joj to mogu omogućiti. Nemamo djece, ali ona je neuredna. Znam da to nije najljepša stvar koju možete da kažete svojoj partnerki, ali ona je u stanju da mjesec dana hoda po gomili odjeće koja se nakupila u našem dnevnom boravku. Danju ne kuva, ne čisti i ne radi bilo kakve kućne poslove”, objasnio je na početku.
Kaže da njegova žena cijeli dan provode na internetu, gledajući Netfliks. S druge strane, kad joj on prigovori da ništa ne radi – ona to poriče.
“Kaže da sama pere veš, da sprema večeru i da po cijeli dan kuva. Možda ponekad opere suđe uveče, ali uglavnom ga ostavi za sljedeći dan”, dodao je.
Situacija je eskalirala prije nekog vremena kada suprug nije znao gdje da stavi gomilu odjeće koja je više od nedjelju dana stajala u dnevnom boravku.
“Prigovorio sam joj za odjeću, a ona mi je rekla da nije čistačica. Bili smo u hladnom ratu, pa mi je sljedeći dan, kad sam se vratio s posla, počela da pokazuje fotografije na kojima čisti. Nisam mogao da se suzdržim, pa sam počeo da se smijem. Rekao sam joj da to što fotografiše za Instagram, ne znači da radi dobar posao po kući”, zaključio je.
Komentari korisnika bili su razni, a većina je bila saglasna oko jedne stvari – njegova žena je lijena osoba.
“Zvuči kao nezrela i lijena osoba”, “Trebalo bi da počisti ako je već kod kuće i ti je finansiraš”, “Ne znam kako si ovo podnosio pet godina”, samo su neka od mišljenja.
