Pokušao da izbjegne zabrane: U šetnju izveo plišanog psa

Kada neka država uvede zabranu kretanja zbog pandemije korona virusa, sigurno je da ćemo vidjeti bar nekoliko “dovitljivih” pokušaja da se ova zabrana izbjegne.

Takav slučaj dolazi nam i iz Češke, gdje je na snazi zabrana kretanja poslije 21:00, osim za određene kategorije ljudi.

Tako je, na primjer, jedan mladić u Češkim Budejovicama izveo u šetnju svog ljubimca nakon 21:00. Ništa čudno, zar ne? Pa ne baš. Sve bi bilo u redu, da u pitanju nije bio plišani pas, prenosi portal “Times Now News”.

Njemu su prišli policajci i opomenuli ga da ne bi smio to da radi.

“Samo šetam psa, ne radim ništa protivzakonito ovdje”, odgovorio im je.

Nakon što ga je policija još jednom opomenula, on je tvrdio da je umjetnik, a da je u pitanju samo šala u vidu performansa, prenosi “B92”.

Kasnije, za list “Mlada fronta Dnes”, rekao je da se ne kaje zbog ovog postupka.