Radnik pronašao štene na gradilištu, kasnije otkrio da to nije pas

Radnik na jednom gradilištu u Velikoj Britaniji pronašao je, kako je mislio, napušteno štene i odnio ga kući da bi se pobrinuo za njega, s obzirom na to da u blizini nije bilo njegove majke. Kod kuće je uslijedilo iznenađenje kad su mu prijatelji rekli šta je ustvari donio.

https://www.facebook.com/rspcastapeleygrange/videos/1198177497180450/

U pitanju je bilo mladunče lisice, koje inače liči na psa.

Odmah je kontaktirao Udruženje za prevenciju okrutnosti nad životinjama (RSPCA) kako bi mu rekli šta da radi, piše “People”.

Met Braun, zaposlen u ovom udruženju, došao je po malu lisicu i ustanovio je da je stara manje od mjesec dana.

Za mladunče se trenutno brinu lokalni veterinari koji ga hrane mlijekom za štence, a uskoro će biti premješteno u “RSPCA’s Stapley Grange Wildlife Centre”, gdje će ostati dok ne postane dovoljno odraslo da može samo da se snađe u divljini.