Snažan zemljotres jačine 6,2 stepena po Rihterovoj skali, koji se prije tri dana dogodio u Mramornom moru nedaleko od Istanbula, izazvao je veliku paniku među stanovnicima grada od preko 15 miliona stanovnika.
Novinarka CNN Turk, Meltem Bozbejoglu, vodila je uživo emisiju kada je došlo do potresa u 12.49 po lokalnom vremenu, prenio je Dejli mejl.
Na društvenim mrežama je objavljen snimak na kome se vidi kako ona u panici drhti i čvrsto se drži za sto u studiju u Istanbulu.
“Upravo se dešava veliki zemljotres. Molim vas, pozovite moju mamu”, rekla je voditeljka režiji.
Mnogi su na društvenim mrežama pohvalili voditeljku i način na koji se nosila sa cijelom situacijom.
“Vrlo hrabro i profesionalno od mlade voditeljke”, “E svaka čast jaranice, ja bih izletjela kao munja napolje”, “Savladati takav strah. Ma bravo, divim ti se. Ko nije doživio zemljotres velike jačine, ne zna šta je strah! 1979. 15. april, Crna Gora”, “Šta ti je čovječe majka, usred svega i straha mama je na pameti. Blago onom ko je ima živu i ona majka koja ovako dijete odgoji”, neki su od komentara.
Mislim da je bila veoma hrabra i prisebna. Nedaj Bože nikome.