Liverpul je nastavio seriju pozitivnih rezultata u gradskim derbijima protiv Evertona i po ko zna koji put je čovjek odluke bio Mohamed Salah.
“Redsi” su na “Enfildu” pobijedili 2:0, a egipatski napadač je bio jedini strijelac – pogodio je iz penala u 75. minutu nakon igranja rukom Majkla Kina, onda i iz igre u sudijskoj nadoknadi.
Liverpul je dominirao, a više od 60 minuta je imao i igrača više jer je u prvom poluvremenu isključen Ešli Jang.
“Karamele” su odolijevale, branile se na sve načine, ali momenat nepažnje Kina ih je presjekao.
Salah je postigao 104. i 105. gol na “Enfildu” i sada je ispred klupskih legendi – Kenija Dalgliša i Stivena Džerarda.
Liverpul se uz meč više izjednačio na prvom mjestu sa Arsenalom i Totenhemom.
