Kako su poručili, ovim i zvanično ulaze u borbu za bolju Crnu Goru.
“Crna Gora mora ići naprijed, jer je već krenula u tom smijeru i ne smijemo dozvoliti da to sada stane. Zato ćemo se dosljedno, kao što smo to i do sada činili, boriti da Crna Gora nastavi putem kojim je krenula. Svjesni smo propuštenih prilika i greški, ali imamo rješenje da to ispravimo. Da to možemo već smo dokazali, jer iza nas stoje rezultati, a ne prazne riječi. Zajedno ćemo se boriti da stvorimo jednu bolju i pravedniju Crnu Goru, Crnu Goru socijalne pravde u kojoj će biti jednakosti za sve. Naši prioriteti biće otvaranje novih radnih mjesta, stvaranje pravednog i solidarnog društva i omogućavanje mladima da imaju lijepu sadašnjost i još ljepšu budućnost u svojoj zemlji”, kažu u ovoj partiji.
Ponovili su da će nastupiti samostalno na izborima, uvjereni da će nadmašiti odličan rezultat koji su ostvarili na nedavno održanim lokalnim izborima u Tivtu.
“Građani Crne Gore znaju da se 16. oktobra odlučuje o tome kako će se Crna Gora mijenjati i kako će se u njoj živjeti. Socijaldemokrate nude stabilnu i dosljednu politiku, koju građani prepoznaju, i zato smo sigurni u odličan izborni rezultat”, poručuju iz SD.
