Polovičnim učinkom košarkaši Mornara završili su nastup na završnom turniru Kupa Crne Gore.
U redovima Barana nema razloga za tugovanje. Sa prilično izmijenjenim sastavom stigli su do polufinala, a i protiv Budućnosti ostavili su odličan utisak.
“Uvijek je teško igrati protiv Budućnosti, posebno fizički, ali sam uživao i s obzirom da mi je ovo prva profesionalna godina, ovo je za mene baš lijepo iskustvo”, kazao je Noa Tomason.
U Kupu je Mornar predvodio sa klupe Ivan Jelenić.
“Budućnost je igrala specifičnu odbranu i pravila nam je dosta problema, dugo nam je trebalo da se prilagodimo i adaptiramo, ali je kasnije Noa to odlično rješavao. Zaprijetili smo sjajno ekipi Budućnosti, a nakon meča rekao sam igračima da sam ponosan kako su se borili ova dva meča na Kupu, iako smo u rotaciji imali sedam – osam igrača. Nadam se da će ovo biti reper za ono što nas čeka u ABA ligi”, rekao je Jelenić.
